in ,

Remata a XII Mostra de Teatro Amador Terras do Orcellón do Carballiño

Insania |

Esta fin de semana remata a XII Mostra de Teatro Amador “Terras do Orcellón” 2019 coa representación de dúas comedias.

O sábado 26,  a Agrupación Teatral Mariñán de Betanzos presentará Insania, unha inquietante comedia de humor negro, sorprendente pola sinxela posta en escena e o traballado papel do seu elenco. Mensaxe “subliminal” para profesores con síndrome de tensión!

O domingo, 27, a grupo Porta Aberta de Vigo amosará ós espectadores a comedia Estraños hábitos, desenvolvida nunha vivenda na que, o que aparentemente ía ser unha cita normal, nun apartamento normal, con persoas e amigos normais e sen  ningún tipo de alteración fóra do normal, acaba sendo unha tarde diferente e alterada ata a esquizofrenia. A vida de Xoán verase alterada nunha soa tarde por todas e cada unha das personaxes que van aparecendo no seu apartamento de solteiro. El tiña todo preparado para unha cita normal con Virxinia, pero todo se converterá nun continuo ir e vir das persoas importantes na súa vida, en circunstancias estrañas e con hábitos aínda máis estaños.

Publicidade

As representación serán no Auditorio Manuel María do Carballiño, ás oito e media da tarde. Os alumnos dos centros de ensino da vila: IES nº 1, Chamoso Lamas, Vila do Arenteiro e  Franciscanas terán ó seu dispor a entrada de balde para presenciar estas comedias, co único requisito de identificarse na xanela do despacho de entradas.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

IIPremioLaudamuco |

Aberta a convocatoria para o II Premio Laudamuco para Textos Teatrais

Lagranboda |

O documental ‘La gran boda 2.0’ estréase hoxe no Salón Teatro de Compostela