in

No confín de… Noemi Rodríguez

Noemi Rodriguez
Actriz, directora e dramaturga, Noemi Rodríguez é –xunto a Andrea Jiménez– fundadora e motor creativo da compañía Teatro en Vilo. Habituais das táboas estatais e internacionais, Teatro en Vilo acadou, entre outros, o Premio ‘Ojo Crítico’ de Teatro 2019. Esta temporada estrearon no Centro Dramático Nacional a súa nova peza, Man Up, candidata a mellor espectáculo e autoría nos Premios Max 2020.

 

O libro que tes sobre a mesa de noite.

Agora mesmo varios: Un apartamento en Urano de Paul B. Preciado, Las madres no de Katixa Agirre, Lectura Fácil de Cristina Morales e Ways of Seeing de John Berger.

PUBLICIDADE

A túa banda sonora destes días.

Para concentrarme sempre escoito a Philip Glass. Para animarme poño a Luis Miguel porque me encanta imitalo diante do espello. Imitar a señores que se senten guapos, en xeral, sempre me pon de moi bo humor. E, para pórme en modo nostalxia, escoito a Dinah Washington ou Nancy Sinatra. Tamén poño moito a Ornella Vanoni, Mina e Fred Buscaglione.

O último filme que te impresionou.

PUBLICIDADE

Encántanme as americanadas e os filmes sobre asasinatos e gánsteres. Son como unha droga para min. Esta semana volvín ver tres clásicos: Fargo, dos irmáns Coen, e Reservoir Dogs e Pulp Fiction de Quentin Tarantino. Puxéronme de excelente humor.

A obra de arte na que te perderías agora.

En calquera dos autorretratos de Cindy Sherman.

A peza que che gustaría crear.

Fago un pacto co diaño para asinar calquera cousa que quixesen escribir ou interpretar Briony Kimmings, Phoebe Waller-Bridge ou Kate Tempest.

Unha figura histórica coa que compartir unha caña.

Con Susan Sontag. Aínda que, en vez dunha caña, tería que tomarme tres gin-tonics porque me sentiría totalmente intimidada e cohibida pola súa intelixencia brillante e pola lingua afiada que tiña. Tamén me gustaría tomar algo con James Baldwin.

Se non foses teatreira, serías…

Rexentaría un hotel pequeno e bonitiño na Toscana, coas trabes á vista, frescos nas paredes e alfombras de Tánxer.

PUBLICIDADE
PUBLICIDADE
Avatar

Ernesto Is

(Xixón, 1988) É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté-Revista Galega de Teatro, colabora tamén coa Revista Grial e A Movida de Vigo.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Santi Prego

    No confín de… Santi Prego

    garciabarbon

    A Xunta anuncia o deseño dun paquete de medidas culturais para minorar os efectos da pandemia