O café concerto do Teatro Municipal Sá de Miranda ofrece un novo servizo de entrega de comida a domicilio con arte. A iniciativa súmase ao programa de actividades que desenvolve a compañía Teatro do Noroeste-Centro Dramático de Viana durante a crise da Covid-19.
En horario de mañá, o Teatro do Noroeste – Centro Dramático de Viana leva comidas a domicilios particulares, presentando unha sorpresa artística protagonizada polas actrices e actores do elenco residente da compañía vianense.
O Café Concerto do Teatro Municipal Sá de Miranda ofrece, de luns a venres, tres opcións de prato do día: prato de carne, prato de peixe e prato vexetariano. Tanto o servizo de Refeições para Levar, como as Entregas ao Domicílio com Arte é feito en recipientes amigos do ambiente, sen uso de plástico.
Os programas Sofá de Cena, dedicado á exhibición online de espectáculos antigos da compañía; Ensaio de mesa, centrado no encontro virtual con compañías portuguesas para contribuír á reflexión conxunta sobre o tema ‘Para un teatro Pós-Pandémico’; a webnovela Odisseia sem espaço! ou a oficina para crianzas Caseirar son algunhas das iniciativas impulsadas pola compañía de Viana do Castelo nestes meses atravesados polas restricións da pandemia.
