Este sábado represéntase o primeiro espetáculo de Teatro con público en Viana do Castelo após o confinamento.
O Teatro do Noroeste – Centro Dramático de Viana volve presencialmente á escena, coa representación de O Gato Malhado e a Andorinha Sinhá, con dirección de Tiago Fernandes, o día 18 de xullo ás 18:00, no Teatro Municipal Sá de Miranda, inserido no programa da Feira do Livro de Viana do Castelo.
Despois de varios meses de programación online, a compañía vianense regresa agora, en asociación coa Câmara Municipal de Viana do Castelo, aos espectáculos con público, no Teatro Municipal Sá de Miranda.
Cando se iniciou o confinamento, era precisamente O Gato Malhado e a Andorinha Sinhá a obra que se encontraba en cartel no centenario teatro, unha obra para a infancia e a mocidade a partir dun texto de Jorge Amado, interpretada por Ana Perfeito, Alexandre Calçada e Elisabete Pinto.
Este regreso ten unha función única con entrada libre, mediante o levantamento de billete dúas horas antes do espectáculo na billeteira do Teatro Municipal Sá de Miranda, cuxa capacidade se verá limitada a 140 persoas, por razóns de seguridade.
