Actualidade

O Teatro Principal de Ourense anuncia o programa para este semestre

PUBLICIDADE

O Teatro Principal de Ourense presentou a carteleira coa que retomará a súa actividade a partir de setembro e a través da que lle propón ao público da cidade das Burgas unha trintena de citas coas artes escénicas, a música e o cinema.

 

A directora do Teatro Principal, Olga Mojón, acompañada do director xeral de Políticas Culturais, Anxo M. Lorenzo, e de Aurelio Gómez, asesor de Cultura da Deputación de Ourense, presentou o programa para este outono: 31 eventos que se celebrarán desde o 11 de setembro ata o 30 de decembro.

Entre as funcións da Rede Galega de Teatros e Auditorios, inclúense dous dos espectáculos contratados a través do circuíto da Xunta que tiveron que ser suspendidos a causa da declaración do estado de alarma: Prostitución, de Check-In Producciones, que poderá verse finalmente o 16 de outubro, e Jauría, de Kamikaze, o 25 dese mes.

O resto da oferta da RGTA no Principal concentrarase no mes de decembro con seis espectáculos galegos: Medida x medida, de Producións Teatrais Excéntricas (día 4); A conquista da escola de Madhubai, de Teatro do Atlántico (día 20); Lázaro de Tormes, de Pedras de Cartón (día 26); Contos ao pé da cama, de Viravolta Títeres (día 28); Catro, de Caramuxo Teatro (día 29), e Dous no camiño (unha historia xacobea), de Culturactiva (día 30).

A programación comezará no Principal o 11 de setembro con La fiesta del chivo, unha adaptación da novela de Mario Vargas Llosa dirixida por Carlos Saura e con Juan Echanove no papel protagonista. Saura dirixe tamén a adaptación de El coronel no tiene quien le escriba, de Gabriel García Márquez, que se poderá ver o 18 dese mesmo mes con Imano Arias encabezando o elenco. Perfectos desconocidos, de Paolo Genovese, con dirección de Daniel Guzmán, estará en escena o día 25.

Emportats, un espectáculo de circo para todos os públicos da compañía La Trocola chegará ao Principal o 31 de outubro. O 20 e 21 de novembro, La Joven Compañía de Teatro Clásico traerá a Ourense a súa versión de El sueño de una noche de verano, dirixida por Bárbara Lluch.

Ademais, haberá dous espectáculos de danza: Los cuerpos celestes, de Marcos Vargas e Chloé Brûlé, o 24 de setembro e Mira Miró, de Catalina Carrasco, Gaspar Morey e Aina Pascual, o 15 de novembro.

Dentro do programa, anunciáronse tamén  a 13ª edición do FITO (Festival Internacional de Teatro de Ourense) así como o Festival de Blues e un Ciclo de Lírica que está pendente de confirmacións por parte do Concello de Ourense.

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos