Actualidade

Sólodos celebra unha edición especial de Danza no Claustro

PUBLICIDADE

Sólodos organiza o 21 de agosto ás 20.30 horas unha edición especial de Danza no Claustro en Xunqueira de Espadanedo. Mentres fican suspendidas as actividades que anualmente acolle o Claustro de San Francisco de Ourense, o claustro cisterciense de Santa María de Xunqueira de Espadanedo acolle a peza Plena, da compañía madrileña Tejido Conectivo.

 

Miguen Ángel Punzano e Andrea Amor asinan a creación e a interpretación de Plena. Trátase dun espectáculo para todos os públicos de 20 minutos de duración que procura, entre outras cousas, “que se faga eco a danza de todos os corpos” ou “que nos nutra a danza das avoas” e “que nos libere unha danza sen xustificación”.

Tejido Conectivo é unha iniciativa de Miguel Ángel Punzano enfocada á investigación do movemento cunha dobre función: a formación e a promoción da arte escénica. Tejido Conectivo promove a creación de pezas de formato curto, tanto para rúa como para sala, xeralmente en colaboración con outros artistas. A colaboración é o aspecto que mellor define a Tejido Conectivo, mediante a busca e a creación de espazos para o intercambio entre artistas e docentes, entre diferentes disciplinas, espazos, institucións, individuos e colectivos.

 

Danza no Claustro

Dirixida por Maruxa Salas e Erick Jiménez, Sólodos é a plataforma cultural organizadora de Danza no Claustro. A proposta, que desde o ano 2013 se vén realizando anualmente no Claustro de San Francisco de Ourense, ten como obxectivo habitar o claustro con danza.  Así, artistas internacionais e locais desenvolven unha proposta escénica en conxunto, compartindo os seus coñecemento e experiencia nun espazo histórico-artístico de relevancia e importante para a cidade. Neste 2020 e debido ás circunstancias derivadas da Covid-19 só terá lugar a extensión prevista en Xunqueira de Espadanedo cunha única compañía: Tejido Conectivo.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos