Cris Vilariño e Alberto Cortés abren o proceso de creación de Mano Dura o sábado 12 de setembro no Teatro Rosalía de Castro dentro do programa TRC Danza 2020. Un ano máis, o ciclo creado en colaboración co programa Residencias Paraíso do colectivo RP achega ao público as investigacións artísticas das creadoras contemporáneas.

 

Mano Dura é un proxecto de colaboración entre a bailarina e creadora galega Cris Vilariño e o dramaturgo andaluz Alberto Cortés que fala das crises familiares e dos modelos de educación a partir do proceso educativo particular de Vilariño e dos seus fillos adolescentes Lola e Nuno.

Por outra parte, con motivo da presentación de Oasís Paraíso – Mano Dura lánzase a publicación dun novo Pre-Texto (nº64) dentro da Programación Expandida do TRC Danza 2020. Nesta ocasión chega da man da bailarina e creadora galega Andrea Quintana e aborda as claves do proceso de creación de Vilariño: Que é educar? Para que te educan? Edúcante? Canto te educan? Onde te educan? Como te educan? Edúcote eu? Edúcasme ti?

 

Taller de públicos

Como vén sendo habitual, o TRC abre para a temporada de outono a convocatoria do taller de público(s) da man da investigadora e xestora cultural Sabela Mendoza e da artista e coordinadora do programa Caterina Varela.

O obxectivo é compartir e conversar sobre as distintas derivas que emerxen no campo da danza e da creación contemporánea, acompañando a programación anual do ciclo TRC Danza 2020. Trátase dun convite a todas as persoas interesadas en ampliar a súa mirada dende unha posición de espectadoras activas. Así, conforman as datas da tempada de outono: 30 de setembro, 14 de outubro, 11 de novembro e 9 de decembro das 19.00 ás 21.00 horas na Sala Xan Eirís do Teatro Rosalía de Castro.

Taller de Público(s) é unha actividade gratuíta e ten un número máximo de prazas limitado. As persoas interesadas poden realizar a súa inscrición a través do seguinte formulario.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos