O Teatro do Noroeste – Centro Dramático de Viana continúa coa súa xira portuguesa e internacional ata decembro. O Gato Malhado e a Andorinha Sinhá e Bojador son os espectáculos da compañía vianense que forman parte do programa de festivais internacionais de España e Corea do Sur.
O Gato Malhado e a Andorinha Sinhá, con texto de Jorge Amado e dirección de Tiago Fernandes visitará Badajoz o 23 de outubro no Teatro López de Ayala. Despois de ser presentado en Castro Daire e na Covilhã, o Gato Malhado e a Andorinha Sinhá estréase así internacionalmente no 43º Festival Internacional de Badajoz.
De igual modo, os días 24 e 25 de outubro a compañía vianense presenta Bojador no Teatro Municipal Joaquim Benite en Almada. Trátase dun espectáculo dirixido por Ana Perfeito e con interpretación de Pedro Roquette e Mané Carvalho que aborda a figura de Sophia de Mello Breyner e que se integra tamén na programación do World Duo Performing Arts Festival que terá lugar do 20 ao 22 de novembro en Seúl.
Na imaxe: Pedro Roquette en Bojador, do Teatro do Noroeste – CDV. | Foto : Rui Carvalho |
Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.
A única publicación periódica que ten como obxecto as artes escénicas galegas dende 1983.
Latest posts by Redacción (see all)
- Sete persoas e entidades foron distinguidas nos IV Recoñecementos de Escena Galega das Artes Escénicas - 07/07/2026
- Moaña acolle a primeira edición do Festival Internacional das Culturas Mar da Illa de Samertolameu - 03/07/2026
- O Convento de Santa Clara acolle a Bienal de Artes Vivas de Pontevedra - 03/07/2026
