Actualidade

PUBLICIDADE

O Festival de Artes pola Inclusión Cultural presenta hoxe a obra de teatro Metamorfosis, de Poten100mos.

O Festigual remata esta semana con actuacións presenciais na cidade da Coruña e retransmitidas por Internet. A programación do festival, na que participan asociacións tanto culturais como sociais, abrangue dende obradoiros inclusivos ata concertos, espectáculos de artes escénicas, audiovisuais ou exposicións, sempre dende un punto de vista inclusivo.

Hoxe preséntase a obra de teatro inclusiva Metamorfosis, de Poten100mos, ás 20.30 horas, no Teatro Rosalía de Castro, que tamén se pode seguir en directo dende a web do Festigual, www.festigual.com Na páxina tamén está dispoñible o vídeo de Artes Escénicas Límites, de Experimentadanza + Diversos, que se presentou o 11 de novembro no Teatro Rosalía de Castro; o concerto de Demusicade, que se presentou no Museo de Belas Artes da Coruña o 6 de novembro; e a exposición fotográfica Unha mirada á diversidade, de Óscar Corral.

Esta semana, ademais de Metamorfosis, hai outras actividades programadas, como a presentación do proxecto Deseño e Son da Asociación Zalaeta, mañá; e a estrea da curta de Máscaras, O reflexo da Tartaruga, e o concerto con colaboración especial de “Sisters in the house”, o xoves.

Ao longo deste mes tamén se desenvolveron varias actividades exclusivamente por Internet, como unha  pinchada a cargo de NEGUS,  “Cabina inclusiva”, e o concerto-obradoiro de Tres x Cuatro e Robert Pier.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos