in

Restricións máximas en Galicia con peche de municipios, teatros e hostelaría

butacas covid

O comité clínico que asesora á na xestión da crise sanitaria do coronavirus acordou este luns pechar perimetralmente todos os seus municipios, limitar as relacións sociais a conviventes e suspender toda actividade non esencial, o que implica o peche de todos os locais de hostalería e teatros, entre outros.

Así o anunciou en rolda de prensa o presidente galego, Alberto Núñez Feijóo, tras participar na reunión do máximo órgano asesor da Xunta que aprobou novas medidas para conter a terceira onda da pandemia.

As novas medidas durarán 3 semanas, como mínimo. Do 27 de xaneiro até o 17 de febreiro. As xuntanzas estarán limitadas exclusivamente a conviventes, agás excepcións como persoas maiores que vivan soas.

PUBLICIDADE

O peche dos teatros e auditorios, catalogadas como actividades non esenciais, levará a moitas compañías ao aprazamento dos seus espectáculos. Unha situación que acrecenta as dificultades económicas do sector, moi tocado dende o comezo da pandemia.

As universidades non retomarán a docencia ata o 8 de febreiro e a primeira semana as aulas serán on line. A partir do 17 de febreiro tentarase retomar a educación presencial. O ensino Infantil, Primario, Secundario e Bacharelato continuará como ata o de agora.

As actividades deportivas tamén están afectadas co feche de ximnasios. Só será permitido o deporte ao aire libre e sempre con máscara. O comercio non esencial fechará ás 18:00 horas e os centros comerciais non abrirán as fins de semana.

PUBLICIDADE

O peche da hostalería será total. Só poderá haber servizo a domicilio, comida para levar e comedores de empresas.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Brumario

    Brumario

    Xosé Manuel Pazos

    Adeus ao ‘Alcalde do Teatro’: morre Xosé Manuel Pazos Varela