Actualidade

Matías Daporta comisaría o Festival Me Gustas Pixelad_2021

Me Gustas Pixelad_
Imaxe de Rafael Frazão: Animal Soñado

PUBLICIDADE

Por cuarto ano consecutivo, o coreógrafo de Cambados é o comisario do festival Me Gustas Pixelad_, de La Casa Encendida de Madrid, que terá lugar do 4 ao 27 de marzo.


Me Gustas Pixelad_ é un festival que pon en diálogo as artes escénicas e o mundo dixital. Este 2021, do 4 ao 27 de marzo, Me Gustas Pixelad_ recorre ás artes vivas, aos seus métodos e ferramentas, para redefinir a relación irracional que existe entre o trauma e a tecnoloxía. De feito, esta cuarta edición do festival comisariado polo coreógrafo galego Matías Daporta (Cambados, Pontevedra, 1987), orbita arredor de dúas preguntas: que é o trauma e como as artes vivas e os medios dixitais responden diante del.

En formato híbrido, presencial e online, presenta dez pezas de trece artistas que ofrecen un espazo de observación e experimentación en torno ao coidado, a cura e a dixestión dun evento traumático. A programación oscila, de maneira provocativa, entre a realidade e a ficción, a historia e a memoria, o humor e a reflexión, a participación e a contemplación.erá

Alén dos acontecementos violentos que sementan a historia do século XX e do que levamos do XXI, o traumático non é só o acontecemento ou, nestes tempos a pandemia, senón tamén a ausencia de saber, o feito de estar sumidos nun enigma para o que non parece haber resposta.

As novas tecnoloxías a súa xestión, tanto a nivel individual como institucional, parecen ser a diferenza máis constatable entre a crise actual, derivada da COVID-19, e as anteriores.

Consulta a programación do Me Gustas Pixelad_2021 nesta ligazón

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos