Rubicundo’, para público infantil, e ‘Napoleão ou o complexo de épico’, para público adulto, foron as favoritas nesta cuadraxésimo terceira edición da Mostra de Teatro.
Os premios serán entregados na XLIV Mostra de Teatro, o próximo ano.
A XLIII Mostra de Teatro Galego de Cariño xa ten as súas favoritas do público para esta edición do 2021. Os que obtiveron máis votos por parte dos espectadores foron a Companhia do Chapitô e a súa obra ‘Napoleão ou o complexo de épico’, para público adulto, e Teatro Ghazafelhos con Rubicundo’, dirixida aos máis pequenos.
Na primeira a compañía portuguesa atrévese con Napoleón Bonaparte. Centrándose na súa figura histórica e contando, con humor e poesía, os reversos da súa historia. Porque todas as moedas teñen dous lados: cara ou cruz.
A segunda está baseada na novela homónima de María Canosa finalista no premio da XXIX edición do Merlín de literatura infantil 2014. Versa sobre a vida de Rubicundo, que todas as noites sae na súa bicicleta por encima da árbore do seu xardín rumbo á noite. Parece que ninguén repara neste personaxe enfundado nun gabán e chapeu de copa. Ninguén excepto Erea. Rubicundo cóntanos unha fermosa historia sobre a amizade, a constancia e a poesía, abríndonos a posibilidade de perseguir os nosos soños sen sentir límites nin distancias.
Os premios entregaranse ao comezo da Mostra do ano que vén, para 2022, na súa cuadraxésimo cuarta edición.
