in

O coreógrafo Xián Martínez, camiño de Canadá para unha residencia creativa na EDCM de Montreal

Xian Martinez |
Imaxe de Carlota Mosquera

O bailarín e coreógrafo Xián Martínez, director da compañía iXa Universos de Movemento, realizará unha residencia creativa na Escola de Danza Contemporánea de Montreal (EDCM), xunto con outrxs 23 bailarinxs que están alá rematando os seus estudos superiores de danza, e onde desenvolverá a súa próxima creación, Yellow Lemon.

O proxecto nace da colaboración entre diversas institucións quebequesas e de Euskadi, como o Instituto Vasco Etxepare e o Conseil des Arts et des Lettres (CALQ), xunto co Centro de Danza de Gipuzkoa. Ademais, participan a compañía Dantzaz, Tabakalera e a propia École Supérieure de la Danse Contemporeine de Montreal (EDCM).

Os obxectivos principais deste programa, de ida e volta, son promover o desenvolvemento profesional dxs artistas e a difusión do seu traballo, dotándoos de novas ferramentas para o progreso cultural, fomentando o intercambio entre creadorxs.

Publicidade
Con Yellow Lemon, Martínez buscará traer á escena temáticas que xeren conciencia social, enfocándose, neste caso, na situación da migración constante dende o norte do continente africano ás praias europeas. O uso da cor será fundamental na propia dramaturxia da peza, centrándose no amarelo dos limóns, que aparece tamén no sol, nas tendas de praia, nas toallas… mais tamén nos salvavidas ou nos chuvasqueiros contra as tormentas. A cor amarela servirá como elemento de conexión entre o desfrute e a felicidade nun día de praia normal en Europa e a situación da xente que tenta chegar a esas mesmas praias.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

iribarne de ButacaZero

ButacaZero prepara unha peza sobre a figura de Manuel Fraga Iribarne no centenario do seu nacemento

ESAD de Galicia, en Vigo. Eduardo Irago Fotografía.

O título alén da titulite