A galiña azul Tanxarina

PUBLICIDADE

O XXIII . Memoral Juanjo Amoedo celebrarase en Redondela do 12 ao 17 de maio, e desenvolverá máis de 80 actividades a cargo de 31 compañías de variada procedencia.

O festival recupera así as súas datas habituais despois de dous anos nos que, a causa da pandemia, se celebrou en setembro. Nesta edición daranse cita compañías procedentes de países como Italia, Francia, Israel, Eslovenia ou Arxentina  e tamén doutras comunidades autónomas, como Madrid, Aragón ou Castela-León, entre outras, ademais dunha forte presenza de compañías galegas como ou Alakrán Títeres.

A Asociación Xente Titiriteira, organizadora do Festival, está ultimando os últimos detalles que forman o Festival, nun intento de recuperar as rúas e prazas para as e os espectadores e que o público poida gozar  do Teatro de Títeres con liberdade, cun programa intenso de sala e rúa coa idea de converter a Redondela nun referente no mundo do Títere.

Nesta XXIII edición quérense recuperar as colaboracións comerciais, xa que unha das características do Festival dende os seus inicios é o apoio do tecido comercial da vila e contorna, que coas súas axudas fan seu o Festival. Nestes dous últimos anos suspendeuse a recollida dos donativos por causa da crise provocada polo coronavirus. Pese a todo, e baixo o titulo “A forza dun pobo”, nestes anos publicaron igualmente o cartel de agradecemento aos seus colaboradores/as.

Esta edición do Festival de Títeres de Redondela 2022 propón recuperar, aínda que de maneira reducida, o Mercadiño Titiriteiro, un espazo que será dedicado a postos relacionados co Mundo do Títere.

A primeira actividade do Festival comeza xa en abril coa Exposición: “40 anos de Tanxarina Títeres”. Redondela rende homenaxe á histórica compañía Tanxarina Títeres, e quere mostrar parte dos 40 anos da súa traxectoria nos escaparates do comercio local.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete ao boletín á newsletter

Recibe no teu email as novas, artigos, entrevistas e contidos da Erregueté para que non perdas unha!