in ,

‘Amantis’, de Rebordelos, preséntase en Cangas

Amantis Rebordelos

A Mostra Internacional de Teatro Cómico e Festivo de Cangas, MITCFC, acolle mañá unha función de Amantis, da compañía Rebordelos en coprodución coa propia mostra, no Auditorio Municipal Xosé Manuel Pazos Varela, e hoxe ás 19.30 horas farase unha presentación do proxecto escénico que irá seguida dun debate, arredor dos principais temas que aborda a peza, na sala de exposicións do auditorio.

Amantis, con dirección de , conta a historia de M., un adolescente de barrio obreiro que quere ser influencer. Nese camiño topará coas trampas dun universo intanxible no que non todo é o que parece e no que el mesmo terá que descubrir quen é.

A peza explora a fenda xeracional entre nativas/os e non nativos/as dixitais, tentando comprender como inflúen as redes sociais, o selfie e o sexting na formación da identidade propia e nas relacións interpersoais. É un espectáculo unipersoal que conxuga música, humor e acidez convocando aos teatros a diferentes xeracións para reflexionar en común sobre os retos, dificultades e pegadas culturais da era dixital.

PUBLICIDADE

No debate desta tarde participarán Chis Oliveria, Priscila Retamozo, Tamara Canosa e Comando Igualdade.

Notas da directora

Tamara Canosa explica os motivos que a levaron a crear esta peza: “Estamos ante a primeira xeración de adolescentes nativos/as dixitais con nais/pais non nativas/os dixitais. Ademais, atopámonos nun momento histórico de tensión de forzas e son os hoxe adolescentes os chamados a desfacer o nó que lles deixamos. O momento é fascinante, a denominada Xeración Z resúltame engaiolante e deste abraio e da curiosidade por comprendela nace Amantis.

Esta obra é unha bisagra interxeracional luminosa e positiva, de ruptura de paredes e de convite ao baile e ao gozo. Porque a miña ollada é de con-fianza nesta xeración. Teñen a enorme dificultade de medrar nun mundo [email protected], [email protected], [email protected], no que as comparacións e os modelos aspiracionais heteronormativos teñen máis presenza ca nunca. Un mundo artellado para mantelos/as calculadamente insatisfeitos/as e sempre dispostos/as a fuxir a un perfecto e atractivo espazo online no que todo, ata a felicidade, se pode mercar. Porén, comprométense, mobilízanse e dinamitan constantemente o preconcibido.
Amantis é unha viaxe pola bendita adolescencia, pola intensidade duns anos que determinan quen somos e seremos. Aos lombos das linguaxes dixitais, dun universo online que cada vez ocupa máis da nosa existencia, nos mergullamos na procura da identidade propia e nas relacións interpersoais da era dixital, no desexo e na paixón como impulsos que non camiñan necesariamente xuntos. Lugares de celebración e tribulación para os e as adolescentes e que os adultos e adultas tamén visitamos dende a vulnerabilidade e a sorpresa. Porque todos e todas fomos adolescentes e estamos hoxe un pouco perdidas pola vertixinosa velocidade dos tempos”.

PUBLICIDADE

 

Ficha artística

ACTOR: ROQUE RUIZ

ESPAZO E LUZ: JOSE MANUEL FARO “COTI”

ESPAZO SONORO: JAS PROCESSOR

VESTIARIO: MELANIA FREIRE

FOTOGRAFÍAS: SABELA EIRIZ

TEXTO: TAMARA CANOSA E XACIO BAÑO

DISTRIBUCIÓN: KANDENGUE ARTS

DIRECCIÓN: TAMARA CANOSA

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Falece Lino Braxe

    A MITCFC inaugura a súa 39ª edición cunha homenaxe especial a Lino Braxe

    Fotografía de Almos Bechtold.

    Sobre a importancia de manter o entusiasmo