Logo de tres meses dende a última sesión, os Microefectos Dramatúrxicos regresan esta fin de semana ao Club Clavicémbalo de Lugo. Os pases arrancaron onte, xoves, e continúan hoxe, venres, e mañá, sábado, entre as 20:30 e as 22:30. Nesta sesión representaranse, coma sempre, catro pezas novas.
O grupo, que cumpriu dez anos a comezos de maio, pon en escena pezas teatrais duns quince minutos de duración nas que contan “historias da vida para rir ou chorar”, cunha escrita directa e actual, que cada tres meses practicamente completa o aforo do Clavi.
As pezas
Digno, católico e sentimental: Escribe e dirixe: Raquel López Cendán. Interpretan: Elvira Velasco, Brais García, Isa Herrero e Raquel López Cendán.
Inteligencia artificial diversa funcional: Escribe e dirixe: Pepe Saavedra. Interpretan: María Grandío, Brais García e Raquel López Cendán.
Guateque Guarrete: Escribe e dirixe: Brian Rodríguez. Interpretan: Raquel López Cendán, Brian Rodríguez, Brais García, Isa Herrero, Elvira Velasco e Anxo Manoel.
A vida é un festival (ou o outro lado do xamón): Escribe e dirixe: María Grandío. Interpretan: María Grandío, Conchi Madrina, Anxo Manoel e Brian Rodríguez.
