O FITO inaugura hoxe a súa 16ª edición

A décimo sexta edición do Festival Internacional de Teatro de Ourense, FITO, arranca hoxe, cunha programación que se desenvolverá ata o domingo 22 de outubro. A partir das 12 e media, Arun Run tomará el entorno del Parque de San Lázaro para presentar a súa acción Gravidade Cero, cunha proposta que convida ás persoas ourensás e visitantes a participar, coñecer a programación do festival e  adentrarse nas tripas do teatro para  rematar sentíndose un actor ou unha actriz máis. Pola tarde, a partir das 18.30 horas, a praza de San Martiño converterase nun escenario de teatro co espectáculo gratuíto «Buenas Noches Europa», a cargo da compañía Animasur, procedente de Granada.

Buenas Noches Europa, finalista na edición dos Premios Max 2022 como Mellor espectáculo de rúa, é un traballo que debuxa unha reflexión poética e dramática sobre a condición da persoa migrante na actualidade. A peza explora a difícil viaxe dun grupo de persoas obrigadas a migrar pola guerra, abandonando todo o que coñecían da súa vida.

O programa da primeira xornada do FITO complétase coa exhibición ás 21.00 horas no Liceo de Ourense do espectáculo Corredoiras asfaltadas, de Quico Cadaval, quen levará ao escenario do salón nobre un espectáculo unipersoal “a medio camiño entre a narración tradicional, a épica escénica e o cabaré literario”.

Programa completo