in

Paula Pier estrea ‘Eu, fraude!’ no Teatro Rosalía de Castro da Coruña

Este venres, 12 de xaneiro, Paula Pier estrea ‘Eu, fraude!’ no Teatro Rosalía de Castro

Paula Pier, Chus López e Sandra Pérez e María Velasco na canción Vagalume.
Paula Pier, Chus López e Sandra Pérez e María Velasco na canción Vagalume.

A actriz Paula Pier estrea ‘Eu, fraude!’ este venres, 12 de xaneiro, no Teatro Rosalía de Castro da Coruña. En palabras da creadora teatral: “trátase dunha experiencia única que invita ao espectador a agarrarse forte á vida e a berrarlle ao mundo coa voz do seu propio ser.”

Este espectáculo que se define como unha historia de amor propio en forma de festa, “promete unha fusión de emocións a través de cancións, poemas e textos de composición orixinal e con música en directo.”

Paula Pier, coñecida polo seu traballo en compañías como Malasombra Producións, A Panadaría, Voadora, Contraproducións ou Ainé Producciones, preséntase agora como creadora escénica singular no panorama teatral galego.

Publicidade

“‘Eu, fraude!’ é un chamado a celebrar a vida con autenticidade”, afirma Paula Pier. “É unha experiencia que busca recordarnos a importancia de amarnos a nós mesmas no medio da voráxine da existencia.”

Este venres, 12 de xaneiro, no Teatro Rosalía de Castro de A Coruña, con Paula Pier como intérprete, estarán Chus López no saxo, María Velasco na guitarra e Sandra Pérez na percusión.

Paula Pier, Chus López e Sandra Pérez e María Velasco en acción.
Paula Pier, Chus López e Sandra Pérez e María Velasco en acción.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

Babá Bebé. A Xanela do Maxín. Galicreques 23

Maxia en movemento

Penélope 1

A Sala Ártika acolle a estrea de ‘Penélope: destecendo o vínculo’