Hoxe, 29 de abril, celébrase o Día Internacional da Danza.
Cada ano, o Comité Internacional de Danza do Instituto Internacional de Teatro (ITI) encarga a unha figura destacada do mundo da danza que escriba unha mensaxe que se lea en todo o mundo. Nesta ocasión, a mensaxe está asinada polo lendario bailarín e coreógrafo de orixe rusa Mikhail Baryshnikov:
“Acostuma dicirse que a danza pode expresar o indescritíbel. A alegría, a dor e a desesperación fanse visibles; expresións encarnadas da nosa fraxilidade compartida. Neste sentido, a danza pode espertar empatía, inspirar bondade e espertar o desexo de curar en lugar de prexudicar.
Especialmente agora, mentres centos de miles de persoas soportan a guerra, loitan contra a inestabilidade política e se levantan en protesta contra a inxustiza, a reflexión honesta é vital. É unha carga pesada para o corpo, a danza e a arte.
Non obstante, a arte segue a ser a mellor maneira de dar forma ao non expresado, e podemos comezar preguntándonos: Onde está a miña verdade? Como me respecto a min mesma/o e á miña comunidade? Diante de quen teño que responder?”
