Os proxectos escénicos seleccionados no curso 2025-26 para o Programa de Acompañamento á Creación Escénica (PACE) poderán verse hoxe, venres 31 de xullo, nunha mostra que acollerá o auditorio do Centro Ágora da Coruña, a partir das 19.30 horas. A entrada é libre ata completar a capacidade do espazo.
PACE é un proxecto impulsado por Laboratorio Escénico Coop e que conta co apoio do Concello da Coruña, a través do IMCE, que ofrece un espazo onde acoller as e os artistas e onde compartir a experiencia creativa e artística, acompañándoos na creación das súas pezas e achegándolles formación e asesoramento. Nesta primeira edición (2025-26) acompañáronse os procesos creativos de Estrella Tomé, Adelaida García, Jacqueline Reimúndez, Marta Cuba, Carmen Pardo, Lúa Pagán e Patricia Iglesias.
Nesta I Mostra de Proxectos Escénicos PACE amosaranse as seguintes pezas:
- Intres, de Jacqueline Reimúndez, con música en directo de Vicente Couceiro e Ruben Servide (compañía Darlle Bolo).
- Punto Ceo, de Estrella Tomé.
- Venera, de Marta Cuba.
- Línea Interna, de Carmen Pardo.
- Ingrávida, de Adelaida García, con música en directo de Miguel Ángel Fernández.
Poderase asistir tamén á estrea da videodanza de 2026 Áurea, de Alicia López, e dúas coreografías grupais creadas durante o proceso de formación que ofrece o PACE (Pulso de Marea, creada por Ana Beatriz Pérez coa colaboración das intérpretes; e Magma, creada por Alba Fernández, Alicia López e as intérpretes).
Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.
A única publicación periódica que ten como obxecto as artes escénicas galegas dende 1983.
Latest posts by Redacción (see all)
- O Centro Ágora da Coruña acolle a I Mostra do Programa de Acompañamento á Creación Escénica (PACE) - 31/07/2026
- NOGA organiza a primeira edición das súas xornadas formativas de narración oral - 30/07/2026
- O Centro Coreográfico Galego coproducirá os novos espectáculos de Paula Quintas, VACAburra e SÖA - 28/07/2026
