- Entre tú y yo, el tiempo muerto. Trátase dunha performance en proceso de creación de Andrés Corchero e a bailarina galega Alejandra Balboa. Entre tú y yo, el tiempo muerto é unha mostra do proceso de creación que Corchero e Balboa están realizando en A Casa Vella, un espazo de creación contemporánea, en Amiadoso, en Ourense.
- Feelings, de Janet Novás. É unha peza de danza contemporánea creada e interpretada pola bailarina galega Janet Novás, concibida como unha viaxe íntima e un exercicio de liberación a través do choro e do movemento corporal.
- Proxección do documental Cadencia, de Virginia Rota, que pon a mirada sobre Janet Novás, a súa relación co corpo e a danza.
O festival continuará as seguintes fins de semana, do 3 ao 4 e do 9 ao 11 de outubro, con actuacións e proxeccións, tamén no MARCO, que irán seguidas tamén de coloquios coas artistas.
O sábado 3 de outubro, bailarán a artista viguesa Marcia Vázquez, ás 18:00 horas, con Onde pousa a humidade, e a turco-francesa Nermin Salepci, con Temporary Pieces, ás 18:30 horas. O domingo 4 de outubro, Larraitz Urruzola presentará ás 12:00 horas Voar e Ana García e Emma Cruz amosarán Pegada Fonda ás 12:30 horas. Por último, o venres 9 de outubro, ás 19:00 horas, o MARCO acollerá a proxección do documental Invisible Walls, do artista mozambicano Pak Ndejemena.
Ademais, Elsa Pereira, Pak Ndjamena e Cristina Ramallo tamén impartirán obradoiros no marco de festival, que se desenvolverán o 3 de outubro, o 4 de outubro e do 10 ao 11 de outubro, respectivamente, e que, xunto co de Janet Novás desta fin de semana, conforman a oferta formativa desta edición.
O obxectivo de Síntese é “ocupar edificios singulares e significativos da cidade con danza e performances“, para achegar estas artes vivas ao público.
A única publicación periódica que ten como obxecto as artes escénicas galegas dende 1983.
