in

Comeza o XXIV Festival Internacional de Teatro Universitario de Compostela

TeatroUniUSC

Dúas compañías de Lituania e Italia e o Grupo de Teatro da Universidade de Granada xunto coa propia conforman o cartel co que se presentará ao público a próxima semana a vixésimo cuarta edición do Festival Internacional de .

As catro funcións programadas celebraranse do luns 19 ao xoves 22 no Teatro Principal con entrada gratuíta previo paso polo despacho de billetes. Os espectáculos están programados para as 21.00 horas, mentres que a retirada de billetes poderá realizarse dende as 18.00 horas.

O programa arranca coa Piccola Compagnia Impertinente (Italia) que representará en inglés I don’t care de Pierluigi Bevilacqua, unha peza cunha duración de 60 minutos. O relevo tomarao o martes 20 À propos des amis et encore…, produción da Vilnius Gedimino Technikos Universitetas Teatras Studija Palèpè de Lituania. Esta é unha obra que se desenvolve sobre o texto de Zemaite e K. Ostrauska cunha duración de 75 minutos e en lituano.

PUBLICIDADE

O mércores 21 será a quenda do Grupo de Teatro da Universidade de Granada que presentará  Lorca en la suite de los espejos, unha produción de 40 minutos que parte de diversos textos do poeta. Finalmente, a Aula de Teatro da USC representará o xoves 22 Pasar por Nida, obra de 60 minutos en galego.

Este Festival conta co respaldo da Vicerreitoría de Estudantes, Cultura e Responsabilidade Social da USC, da Deputación da Coruña e do Concello de Santiago.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    MartaPazos

    Marta Pazos dirixirá a gala dos Premios Mestre Mateo

    Colon16feb

    A Deputación cede ao Concello da Coruña a xestión do Teatro Colón