Esta fin de semana (sábado 8 e domingo 9) desenvólvese a cuarta edición de “O Museo como Performance”. Organizado polo Museo de Arte Contemporánea de Serralves desde o 2015, “O Museo como Performance” é unha plataforma dedicada a novas prácticas da performance que recoñece a súa crecente importancia no campo das artes visuais. Este eixo de programación vén reforzar e estender a historia transdisciplinar do Museo Serralves.
A súa cuarta edición reúne doce obras recentes de artistas portugueses e internacionais que abranguen e mesturan danza, música, narrativas faladas, performances visuais e sonoras. O programa inclúe encargos en estrea absoluta e adaptacións aos espazos de Serralves, en recoñecemento ao potencial do seu singular contexto arquitectónico.
A través de dous días, a través da voz, os corpos, os xestos e as narrativas, propóñense varias formas de deconstruir as convencións e as normativas disciplinarias.
A única publicación periódica que ten como obxecto as artes escénicas galegas dende 1983.
- O festival de danza e artes do movemento Abanea celebra a súa quinta edición - 09/07/2026
- Sete persoas e entidades foron distinguidas nos IV Recoñecementos de Escena Galega das Artes Escénicas - 07/07/2026
- Moaña acolle a primeira edición do Festival Internacional das Culturas Mar da Illa de Samertolameu - 03/07/2026
