A Academia Galega do Audiovisual (AGA), a Asociación Galega de Guionistas (AGAG), a Asociación de Profesionais da Dirección e da Realización de Galicia (CREA), a Asociación Galega de Produtoras Independentes (AGAPI), a Asociación de Actores e Actrices de Galicia (AAAG), a Asociación Músicas ao Vivo, a Asociación Galega de Empresas de Artes Escénicas (Escena Galega), a Asociación Galega de Dramaturxia (Dramaturga) e a Asociación Profesional de Artistas de Galicia (A Colectiva) veñen de facer público un comunicado no que expresan o seu apoio á manifestación convocada o sábado 8 de setembro polos comités de empresa de CRTVG e TVE-Galicia co fin de reivindicar e defender a pluralidade, veracidade e imparcialidade dos medios públicos e do cumprimento na súa totalidade da Lei 09/2011, de 9 de novembro, dos medios públicos de comunicación audiovisual de Galicia.

O pasado venres 31, nunha rolda de prensa en Compostela encabezada polos presidentes do Comité Intercentros de CRTVG e do comité de empresa de CRTVE na Coruña, Raimundo Méndez e Suso Ramos, os convocantes da manifestación de mañá salientaron que era a primeira vez que unían forzas para un acto desta natureza e subliñaron que a súa reivindicación era moi simple: que se cumpra a lei para que os medios públicos leven a cabo o seu obxectivo de ser un servizo público de todos os galegos e galegas, e non como na actualidade na que, segundo Méndez, “están ao servizo do Goberno galego e do PP”.

Mañá sábado 8 de setembro, a manifestación percorrerá as rúas desde a sede central de CRTVG en San Marcos, pasará pola sede de RTVE e concluirá na Praza das Praterías de Compostela. A consigna que encabeza a marcha será: “Pola dignidade dos medios públicos” e culminará coa lectura dun manifiesto conxunto.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos