in

Faleceu o mestre Eimuntas Nekrosius

IdiotasNekrosius |

O director lituano Eimuntas Nekrošius (Pažobris, 1952), un dos máis famosos directores de teatro , morreu subitamente na noite pasada nunha clínica de Vilnius, onde foi hospitalizado no seu retorno dunha viaxe ao exterior. O director tería cumprido mañá 66 anos.

Logo de graduarse no Instituto Lunacharski de Moscú, foi durante anos o director do Teatro da Mocidade de Vilnius. Cando, en 1984, como novo director, realizou a súa primeira xira internacional co espectáculo Pirosmani, Pirosmani, recibiu o recoñecemento da crítica e o público internacionais. Xunto cos actores da compañía Meno Fortas, estudio-teatro que fundou en 1998 en Vilnius, xirou extensivamente por todo o mundo, amosando a súa persoal visión do teatro. Arthur Miller referíase a el como “unha especie de xenio”.

No seu teatro, a enerxía física e a química que promovía no escenario entre os actores servían de marco a un tratamento da palabra marcado por un profundo traballo expresivo, por enigmáticos retiros introspectivos e por unha carga na comunicación humana que lle daban o seu particular selo ás súas montaxes. Nekrosius procuraba traducir para a escena o que de especificamente teatral tiñan os textos que abordaba para, como dicía el, “revelar o que está escondido”. A dramaturxia organizábase nunha lectura metafórica que reducía a masa textual para, paradoxalmente, ampliar o sentido.

Publicidade

O seu traballo foi recoñecido internacionalmente con galardóns tan relevantes como o Premio UBU, o Premio Europa de Teatro (Novas Realidades), o Premio K.S. Stanislavskij ou o Premio Herder.

Nekrosius estivo coa súa montaxe Un artista da fame na MIT de Ribadavia de 2017 e os seus espectáculos puideron verse no Porto en varias ocasións: As tres irmás de Chekhov, Macbeth e Otelo de Shakespeare ou Idiotas [na foto], baseado na novela de Dostoievski, entre outras.

Publicidade

Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    RosaliaDeCastro |

    XXII Memorial Ibán Toxeiro na Coruña

    xornadas teatro cangas2 |

    IV Xornada de Teatro é Saúde Mental en Cangas