in

‘Muiñada’ pon fin ao ciclo do CDG “Gran teatro para os máis pequenos”

Muiñada de Galeatro
A compañía Galeatro ofrece mañá e o venres as derradeiras funcións da programación infantil de Nadal no Salón Teatro de Santiago.

 

A terceira edición do ciclo Gran teatro para os máis pequenos, organizado polo Centro Dramático Galego (CDG) na súa sede do Salón Teatro de Santiago, remata esta semana con dúas funcións do espectáculo Muiñada, da compañía . As representacións terán lugar o xoves 3, ás 19,00 h., e o venres 4, ás 12,30 h., precedidas de cadansúa sesión do obradoiro “Cántame un conto. O espazo sonoro e os contos”, no que as nenas e nenos inscritos terán a oportunidade de afondar xogando en diferentes conceptos que verán a continuación sobre o escenario.

A montaxe da compañía de Alba Bermúdez e Tone Martínez proponlle á rapazada de hoxe en día unha viaxe á tradición popular galega a partir da historia de Sabela e Xacobe. Os dous atópanse nun dos moitos muíños de auga, que no se tempo estaban espallados por toda Galicia, a causa dun malentendido coas quendas das muiñadas. Ao veren que non poden moer ao mesmo tempo, comezan unha discusión na que o xogo, as lendas, a tradición e a música lle achegarán ao público a historia e o funcionamento dos muíños.

Publicidade

dirixe este espectáculo, escrito por Ana Carreira e recomendado a partir dos seis anos de idade. Alba Bermúdez e Tone Martínez son os seus intérpretes, mentres que Anahí Taraburelli asina a escenografía e María Martínez o asesoramento de danza.

 

Publicidade

Xogos coas historias e refraneiros populares

A asistencia a Muiñada pode combinarse, previa reserva, con cadansúa sesión do obradoiro “Cántame un conto”, que Elea López impartirá desde dúas horas antes do comezo das funcións. Neste taller e a través do xogo coas historias e os refraneiros populares, abordaranse as técnicas de dramaturxia e o traballo coas actrices e actores, ademais de afondarse no impacto do son na construción de ambientes sobre o escenario.

Con Muiñada e “Cántame un conto” chega á súa fin a programación especial de Nadal do CDG, dentro da que tamén se exhibiron no Salón Teatro Nómades, de Xarope Tulú, e Os fabulosos Cleaners, de Malasombra. Así e por terceiro ano consecutivo, o Centro Dramático Galego compartiu estas festas co público infantil, ao tempo que lles ofreceu aos seus adultos diferentes oportunidades para a conciliación familiar.

Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Manicomicos |

    O Teatro Rosalía Castro da Coruña acolle hoxe a XV Gala Manicómicos

    DeputacionCoruña |

    Nova convocatoria da Rede Cultural da Deputación da Coruña