PUBLICIDADE

Elisa e Marcela, d’A Panadaría e A leituga, de Eme2, estarán presentes en MADferia, a feria de artes escénicas de Madrid que comeza o vindeiro martes 22. Elisa e Marcela poderá verse o mércores 23, ás 17:00, mentres que A leituga se presentará o xoves 24 ás 18:30, ambas nas Naves del Matadero.

MADferia é unha feria de artes escénicas que se celebra anualmente en Madrid no mes de xaneiro. Nace en 2004 co obxectivo principal de impulsar, dinamizar e xerar mercado no ámbito das artes escénicas. MADferia combina a exhibición das últimas creacións de artes escénicas do Estado, con actividades orientadas á reflexión e ao encontro entre os profesionais do sector. Está organizada por ARTEMAD (Asociación de Empresas Productoras de Artes Escénicas de Madrid) e está asociada a COFAE (Coordinadora de Ferias y Artes Escénicas del Estado español).

A programación deste ano está formada por dezaseis espectáculos de teatro, danza e circo, aos que se suman dúas propostas para o espazo, “Exploratorios en Terneras”, que estarán dedicadas á investigación, aos procesos de creación e a outras expresións artísticas próximas á escena.

Ademais das galegas, hai compañías programadas de Madrid, Valencia, Andalucía, Murcia, Cataluña, País Vasco e Portugal, que terán como elemento de enlace a aposta polos creadores contemporáneos, as propostas de risco e a busca de novas linguaxes escénicas. Xunto á Panadaría e Eme2 poderán verse espectáculos de compañías que se revelaron nos últimos tempos como apostas de gran proxección, como La Tartana, Onírica Mecánica, Ertza, a compañía de Sara Cano ou La Joven Compañía.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos