in

Proxección de ’30 anos actuando’, o documental sobre Teatro do Noroeste, en Compostela

noroeste30anos
30 anos actuando. Que nos quiten o bailado! é unha longametraxe documental que narra a historia de Teatro do Noroeste e que se estreou coincidindo co 30º aniversario da compañía.

 

O vindeiro mércores 23, ás 20:30, proxectarase no Teatro Principal de Compostela o documental 30 anos actuando. Que nos quiten o bailado!, sobre a traxectoria da compañía Teatro do Noroeste. Dentro das actividades do Club C! e vencellado ao espectáculo Da avaricia, a luxuria e a morte de Teatro do Noroeste, que se poderá ver no mesmo Teatro Principal os días 24 e 25,  proxéctase este documental nunha sesión que contará coa presenza de Eva Alonso, e .

30 anos actuando. Que nos quiten o bailado! é unha longametraxe documental na que se narra a historia de Teatro do Noroeste e na que se fai un percorrido polos 37 espectáculos representados pola compañía. Unha historia que, segundo a súa dírectora, Eva Alonso, transcorre en paralelo coa historia do teatro galego.

PUBLICIDADE

O documental estreouse no ano 2017, coincidindo co 30º aniversario da compañía, que desenvolveu unha serie de actividades para celebralo. Pódese ver aquí un trailer do filme.

A alma de Teatro do Noroeste son Luma Gómez e Eduardo Alonso. Luma Gómez é unha actriz cunha longa e prolífica carreira profesional. Traballou en diversas compañías de teatro, así como en diversas montaxes do Centro Dramático Galego en papeis protagonistas. Fixo importantes papeis cinematográficos con produtores do Estado e de Galicia. É actriz habitual en programas e series da TVG. Eduardo Alonso posúe unha das máis amplas e frutíferas traxectorias dentro do teatro profesional. Dirixiu máis de 40 espectáculos na súa dilatada carreira. É autor de diversos textos, foi o primeiro director do Centro Dramático Galego e en 1985 foi nomeado polo Ministerio de Cultura, membro do Consejo Nacional de Teatro, por designación directa. En 2017 recibiu o Premio de Honra Marisa Soto da AAAG.

O Club C! é unha proposta de actividades para se achegar de xeito diverso aos contidos das actividades culturais compostelás. Comprende actividades que buscan coñecer mellor as propostas artísticas que nos ofrece a programación cultural municipal e deste xeito afondar na experiencia como espectadores culturais.

PUBLICIDADE

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    invisibles1

    O CDG presenta agora a temporada 2018-2019

    GalaMariaCasares

    32 espectáculos nos XXIII Premios de Teatro María Casares