A ópera Je suis narcissiste, a obra coa que Marta Pazos debuta no xénero, coproducida polo Teatro Español, o Real e o Lliure, chega ao Teatre Lliure de Barcelona do 12 ao 14 de abril.
A ópera, con música de Raquel García Tomás e libreto de Helena Tornero, recupera a tradición da ópera bufa e está concibida e escrita na tradición máis xenuína do xénero, ao xeito das comedias clásicas que se caracterizaban por ridiculizar vicios encarnados por un personaxe.
Je suis narcissiste preséntanos unha organizadora de eventos culturais que vive cada día coma unha carreira de obstáculos que se interpoñen entre ela ea súa felicidade. Os acontecementos desbórdana e as persoas déixana mergullada nun sentimento de soidade. Parellas, mascotas, xefes, ascensoristas, artistas ou empregados de pompas fúnebres semellan moito máis interesados en falar que en escoitar. Face a un caldo de cultivo tan saboroso, abonda cun desencadeante, en forma de gato morto, para que chegue o colapso emocional. Abraiada, chega á consulta dun psiquiatra que abraza todo tipo de teorías tan excéntricas coma el. Ambos viaxarán xuntos a través dunha experiencia transformadora (ou non).”
O resultado é duplamente heterodoxo, ao romper coa falsa crenza de que a ópera debe tratar temas con seriedade e ao poñer a tres mulleres á fronte do proxecto.
Je suis narcissiste estreouse o pasado 6 de marzo no Teatro Real de Madrid.
