A Academia Galega de Teatro convoca –coa colaboración do Consello da Cultura Galega, as tres universidades galegas, a Xunta de Galicia e as principais asociacións profesionais do medio, entre outros moitos colectivos e institucións– o I Congreso Internacional do Teatro Galego, que terá lugar en Santiago de Compostela entre os día 25 e 28 de marzo de 2020.
Para alén dos relatorios plenarios e nove mesas de traballo que contarán coa participación de persoas especializadas en diferentes aspectos da creación, distribución, produción e programación de espectáculos teatrais, as Comisións Organizadora e Científica deste evento internacional fan á comunidade investigadora un chamamento para a participación no mesmo a través de comunicacións libres e paneis –integrados por tres comunicacións– relacionados coas liñas temáticas do Congreso ou sobre calquera outro aspecto relacionado coa arte dramática galega.
Liñas temáticas principais
- Experiencia, actualidade e modelos externos
- O teatro e os públicos
- A creación e os seus procesos
Linguas
Aceptaranse propostas en galego, portugués e español.
Prazos
- Primeiro prazo: 25 de xullo de 2019
- Segundo prazo: 25 de decembro de 2019
As propostas de comunicacións libres serán enviadas a través do seguinte formulario on-line:
ou por correo electrónico:
indicando:
- ámbito de estudo
- resumo da proposta (máximo, mil caracteres)
- cinco palabras chave
- un máximo de cinco referenciais bibliográficas
- breve CV (máximo, mil caracteres)
A Comisión Organizadora comunicará a aceptación ou non da proposta antes dun mes a contar desde a súa recepción.
A presentación das comunicacións non excederá dos 15 minutos.
A cota de inscrición será de 30€ no primeiro prazo e 50€ no segundo –cunha redución do 50% para estudantes e persoas desempregadas.
Máis tamén se podén acoller ás axudas que a propia convocatória estabelece:
http://congresodoteatro.gal/axudas.html
Posteriormente á celebración do Congreso, a Comisión Científica proporá as comunicacións que serán publicadas xunto coas conferencias plenarias e as comunicacións dos argüentes das mesas de traballo nunha edición en liña a cargo do Consello da Cultura Galega que contará con ISBN.
