Do 12 ao 14 de xullo terá lugar en Oleiros a terceira edición de Ext-cénica, o Festival de Artes Escénicas de Rúa. Trátase dun festival de promoción e difusión das artes escénicas e musicais na rúa dirixido a público xeral, con espectáculos para público familiar e outros para adultos.

Diferentes espazos públicos do Concello servirán de escenario para artistas e compañías das máis variadas procedencias e disciplinas: música, circo, danza contemporánea… que intentarán transformar espazos non convencionais ao aire libre en escenarios onde provocar a interacción social co público asistente nun ambiente festivo. A terceira edición de Ext-cénica transformará as rúas de Oleiros en escenarios propicios para provocar a interacción social co público no marco dun ambiente festivo.

O Festival comezará o venres 12 de xullo, ás 19:30, na Praza Esther Pita, coa actuación de Kanbahiota e o seu espectáculo de acrobacias aéreas Triple Volante; a compañía realizará un segundo pase no mesmo lugar a las 21:30. Ás 20:15, na Praza do Castelo, terá lugar o concerto con narración de contos para as familias As parábolas de Pakolas.

O sábado 13, ás 20:00, na mesma praza Esther Pita, a Compañía La Mano Jueves presenta o seu espectáculo de circo e clown sobre un afamado deportista de elite, Ricki, el profesor de tenis. Ás 21:00, na Praza do Castelo, haberá un concerto de Vodoo e Lilaina.

O domigo 14, finalmente, La Nördika realiza o seu espectáculo de circo e danza Rojo estándar na Praza da Lagoa, ás 12:30. E a partir das 21:00, o Parque José Martí converterase nun escenario para a danza contemporánea: Ánxela Blanco representará Voo, a compañía Entremáns, Instante gradual, e La Macana pechará a xornada con Ven.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos