in

Crowfunding para adaptar ‘Canibalismo’, de Marcos Abalde, ao cinema

Canibalismo

O colectivo Projeto Jägher, formado por Diego R. Aballe, director de cine e teatro, e Amanda Seijas, escenógrafa e directora de arte, vén de lanzar un proxecto de crowfunding para financiar unha adaptación ao cine de Canibalismo, adaptación dun texto orixinal do dramaturgo galego , premiado en 2008 co IV Premio Josep Robrenyó pola Associació d’Investigació i Experimentació Teatral. Trátase dun proxecto de curtametraxe independente, un thriller psicolóxico, cunha duración estimada duns 15-17 minutos, e que se rodará durante o mes de outubro de 2019 en lingua galega.

Tras un longo proceso de pre-produción, o colectivo quere financiar a produción do seu proxecto a través desta campaña: o obxectivo básico cubrirá desde as altas da equipa técnica e artística, até os gastos básicos de produción, escenografía, e maquinaria de rodaxe (fotografía e son) e garantirá a mellor factura posible da curtametraxe.

Canibalismo trasládanos a unha noite fría no rural galego, onde dous homes dan voltas no seu carro ata que se atopan cun mendigo inmigrante que durme nun caixeiro automático abandonado. Non queren matalo: primeiro debe confesar os seus crimes e pecados, e asumir a súa condición de besta.

PUBLICIDADE

Temas como o racismo, a xenofobia e o senfogarismo abórdanse de forma activa e directa neste proxecto, cuestións de actualidade, que nos afectan a [email protected], e que por desgraza son contidos moi necesarios para intentar construír un mundo máis libre e tolerante. O Projeto Jägher considera que, en relación a isto, a comunidade galega é un paradigma de convivencia e solidariedade, como pobo emigrante afectado pola diáspora durante as tres últimas décadas do século XIX até ben pasada a metade do século XX.

Súmanse a esta aventura, como co-produtores, Méjico.tv, un colectivo creativo emerxente con base en Barcelona, formado por un equipo con anos de experiencia no mundo do cine e a publicidade.

O elenco está formado polos actores galegos Toni Salgado, Fran Nogueira e Germán Prenta. Toni Salgado, premiado cun ao Mellor Actor Protagonista pola obra teatral O Principio de Arquímedes, conta entre os seus últimos traballos series como O sabor das margaridas ou Pazo de Familia. Fran Nogueira, tras colaborar nun espectáculo teatral con Dimitris Papaioannou, traballou en series como Serramoura e curtametraxes como Trala porta, Al final del camino ou A ninguna parte. Germán Prenta forma parte da compañía teatral madrileña Mortificación Teatro, que desenvolveu o espectáculo Porkulo, recentemente premiado co Premio Coiro de Pita que outorga o público da Sala Ingrávida do Porriño.

PUBLICIDADE

Toda a información sobre o proxecto, aquí.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    QuicoCadavalRAG

    Quico Cadaval percorre a historia do teatro galego dende as Irmandades até hoxe

    ExposicionMorcego

    A exposición ’30 Anos do Teatro do Morcego’, en Cangas, prorrógase até fin de mes