Actualidade

Comeza a xira de ‘Medida x Medida’, de PT Excéntricas

PUBLICIDADE

Esta semana comeza a xira de presentación de Medida x Medida, de William Shakespeare, o novo espectáculo de Producións Teatrais Excéntricas. Tras o éxito da estrea no FIOT de Carballo, da función posterior e do ensaio xeral feito ante máis de 250 estudantes de instituto, da comezo unha xira que percorrerá toda Galiza.

O punto de partida será o Teatro Principal de Pontevedra, hoxe, ás 21:00. Ao día seguinte, venres 11, Medida x Medida estará no Centro Cívico e Cultural de Arteixo (20:45) e rematará a semana o sábado 12 na Casa da Cultura de Muros (21:30).

Neste 15º aniversario da súa fundación, Excéntricas convida novamente un autor que nunca pasa de moda para colaborar no novo espectáculo. Trátase de William Shakespeare, que, segundo a compañía, “xa ficara moi satisfeito da anterior colaboración con PT Excéntricas, o exitoso espectáculo Shakespeare para ignorantes“.

Medida x Medida é unha comedia negra que coquetea constantemente co desastre. No reparto estarán Melania Cruz, Patricia Vázquez, María Costas, Josito Porto, Santi Romay, Evaristo Calvo e Víctor Mosqueira, e na dirección Quico Cadaval que xa colaborara co autor inglés na exitosa Noite de Reis do CDG. A escenografía, o vestiario e o grafismo son de Suso Montero, que colabora de novo con Excéntricas tras A Cabeza do Dragón, a dirección musical de Bernardo Martínez (que tamén está en escena tocando a música en directo) e o deseño de iluminación de Dani Juncal.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!