As XXI Xornadas de Homenaxe a Valle-Inclán iniciaranse na Pobra do Caramiñal o vindeiro mércores e xoves cunha estrea de teatro infantil a cargo de Títeres Cachirulo que, baixo a dirección de Jorge Rey, representarán Farsa italiana da namorada do rei, obra baseada en textos de Valle que será estreada no Elma.
O vindeiro día 27, Teatro del Norte presentará Retablo de la avaricia, la lujuria y la muerte, dirixida por Etelvino Alonso e interpretadad por Cristina Lorenzo, Cristina Alonso, David González e o propio Etelvino Vázquez, acompañados pola cantante María Alonso. Roberto Leal e Gemma do Carmo levarán a escena, o 31 de outubro, Ambitus amoenus. De teatro nunha torre con alma de artista; e o grupo Tatana representará Memorias da árbore da noite triste o 3 de novembro.
Ademais, o 25 de novembro presentarase Consolación a Marcia, un texto de Séneca traducido ao galego por María Isabel Santos, e o 31, dous números da revista de estudos valleinclanescos Cuadrante. Para acabar coas presentacións literarias, o 30 de novembro presentarase ao público O meu bisavó, unha tradución ao galego da ficción escrita por Valle que ten como escenarios A Pobra do Caramiñal e a torre de Bermúdez, nunha edición de Antonio González Millán.
A única publicación periódica que ten como obxecto as artes escénicas galegas dende 1983.
- O Salón Teatro acolle o espectáculo ‘José Afonso, ao vivo nos Coliseus, 1983’ - 16/12/2025
- O Eu.Experimento do Camões CCP en Vigo homenaxea á súa actriz Ana Sousa, recentemente falecida - 16/12/2025
- O Colectivo D’elas é galardoado co Premio do Público no 39 Certame Coreográfico de Madrid - 07/12/2025
