in

‘D.E.P.’, de Malasombra e ‘Ummm!’, de Avento, obras preferidas polo público de Vigocultura

MalasombraDEP |
O público de Vigocultura escolleu ás súas obras favoritas da Programación de 2019 no Auditorio Municipal de Vigo. D. E. P. Descanse en paz, de Malasombra Producións foi a máis votada entre o público adulto, mentres que Ummm! Unha comedia musical para chupar os dedos, de Avento Producións, foi a preferida polo público infantil.

 

D.E.P. Descanse en paz, é unha produción realizada a partir dun texto de Pep Antón Gómez e Jordi Sánchez, traducido e adaptado por Xoque Carbajal. Esta montaxe bota man do humor para contar unha historia de egoísmo, mentiras e enganos entre irmáns ante a repartición dunha herdanza.

Pola súa parte, Ummm! Unha comedia musical para chupar os dedos, de Avento Producións, foi estreada no propio Auditorio Municipal de Vigo, e conta en clave de comedia musical a historia da pastelaría de Dona Remedios, que ten cada vez menos clientes porque a súa dependenta, Ana, só sabe facer boliños de crema. Para facer fronte a este problema, Dona Remedios decide contratar un novo axudante quen de achegar novas ideas e facer os doces que a xente está a demandar nestes días. Dirixida por Xoán Abreu e protagonizada por Rocío Salgado e Martín Maez, a obra poderá verde de novo esta fin de semana na Sala Ártika de Vigo: o sábado 7 ás 18:00 e o domingo 8 ás 12:00 e ás 18:00.

Publicidade

En segundo e terceiro lugar, na categoría de Teatro para Adultos, foron os máis votados No hay papel, da compañía madrileña Desafora2 e Plastic, da bailarina e coreógrafa ourensá Paula Quintas. No teatro para a cativada, seguiron en votos a Avento Bitels para bebés, de La Petita Malumaluga, de Sabadell, e Emportats, de La Trocola, de San Vicent del Raspeig, en Alicante.

Publicidade
Publicidade
Publicidade
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

MicroefectosDecembro19 |

Novas sesións de Microefectos Dramatúrxicos no Clavicémbalo de Lugo

ContosAoPeDaCama |

Á venda as entradas para o Festival de Marionetas María José Jove