PUBLICIDADE

A compañía Incendiaria estrea este sábado 14 de marzo ás 21:00, no Auditorio Municipal de Cangas do Morrazo o espectáculo Microspectivas dun marica millennial. Davide González protagoniza esta peza unipersoal creada en co-produción co Centro Dramático Galego que afonda na memoria desde a música ao vivo e as artes do movemento.

 

Microspectivas dun marica millennial é unha proposta íntima e cargada de poesía coa que cuestionar certezas impostas que predestinan a construción da identidade. Apostando por atender o detalle para pensar o global, MMM propón un espazo de transo no que redescubrir as raíces, revisar a historia e refundar o presente.

“Microspectivas dun marica millennial xorde da necesidade de atopar as accións, os movementos e a música que ferven na memoria máis física da miña infancia marica”, sinala González. “De igual modo, a crecente (re)aparición e a aparente (re)afirmación social de ideoloxías que atentan contra a vida e os dereitos das persoas LGTBIQA+ foron o detonante para emprender esta reflexión sobre a infancia e a miña construción como creadora en Galicia”.

O proxecto, enmarcado dentro da liña de co-producións do Centro Dramático Galego, xestouse tamén no marco das III Residencias Paraíso que cada ano convoca o colectivo RPM. Microspectivas dun marica millennial é segundo espectáculo de Incendiaria, unha plataforma artística nacida en 2014 e composta por Davide González e Vanesa Sotelo e que fundamenta o seu traballo na investigación e na creación escénica contemporánea. Vanesa Sotelo dirixe esta peza baseada nunha idea orixinal de Davide González, con música do propio intérprete e coa iluminación de Laura Iturralde e o espazo escénico de Carlos Alonso.

 

Davide González

Actor, músico, compositor e director de escena, ten traballado con compañías como Baobab, Galeatro, Redrum, Ibuprofeno ou o Centro Dramático Galego. Na liña do audiovisiual destaca a súa composición musical para curtametraxes, videocreación e videodanza.

Vanesa Sotelo

Dramaturga, actriz e directora teatral, actualmente combina o seu traballo creativo na compañía Incendiaria coa faceta como pedagoga en diferentes entidades de Galicia e Portugal. Vanesa Sotelo é a directora da erregueté – Revista Galega de Teatro.

Laura Iturralde

Escenógrafa, iluminadora e videojockey, é unha das creadoras más destacadas do panorama actual. En 2018 gaña o Premio María Casares á mellor escenografía xunto a Montse Piñeiro polo seu traballo en Resaca e en 2019 á mellor iluminación por Invisibles, de Redrum. Nos últimos anos traballa en diferentes compañías como Pálido Domingo, Cia. Borja Fernández, A Panadaría, Ainé Producións ou A quinta do cuadrante.

Carlos Alonso

Escenógrafo, figurinista, deseñador de vestiario e activista teatral de formación autodidacta. Gañador de once premios María Casares na modalidade de escenografía e vestiario, ten traballado coas principais compañías do panorama teatral galego, colaborando en 100 espectáculos profesionais tanto en grupos independentes como no Centro Dramático Galego.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos