in

No confín de… Belén Constenla

Belén Constenla
Belén Constenla é actriz. Na actualidade, protagoniza Despois das ondas, coa compañía ButacaZero.

 

O libro que tes sobre a mesa de noite.

Tres que teño a medias e un que vou reler: A educação sentimental dos pássaros de J. Eduardo Agualusa, La muerte del comendador de Haruki Murakami, La mujer que mira a los hombres que miran a las mujeres de Siri Hustvedt e Cien años de soledad de García Márquez. Volverei a el despois de trinta anos.

PUBLICIDADE

A túa banda sonora destes días.

Sempre adoito escoitar Rock, Soul, Blues, Jazz, Flamenco e música clásica; pero estes días volvín á radio. Radio 3 acompáñame moito mentres fago cousas pola casa.

O último filme que te impresionou.

PUBLICIDADE

The Lighthouse de Robert Eggers, con Willem Dafoe e Robert Pattinson. Unha película turbia, moi gótica e claustrofóbica, cunhas interpretacións maxistrais.

A obra de arte na que te perderías agora.

Encántame a pintura e podería perderme en varios cadros, pero neste momento non me apetece nada pecharme nun, así que optaría polo Museo del Prado. Ademais, significaría que xa poderíamos desfrutar de novo del.

A peza que che gustaría interpretar.

Case todas! Pero de escoller, calquera filme ou show en vivo que fixeron os Monty Python nos anos oitenta.

Unha figura histórica coa que compartir unha caña.

Con Marilyn Monroe. Foi a primeira muller en crear e dirixir a súa propia produtora, falou varias veces do acoso e do trato sexista que sofren as mulleres dentro da industria e, ademais de parecerme unha boísima actriz, estou segura de que nos caeriámonos moi ben e pasariámolo mellor.

Se non foses actriz, serías…

Arqueóloga, restauradora de arte, viaxeira… Ou tería un chiringuito nunha praia exótica.

PUBLICIDADE
PUBLICIDADE
Avatar

Ernesto Is

(Xixón, 1988) É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté-Revista Galega de Teatro, colabora tamén coa Revista Grial e A Movida de Vigo.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    MaríaRoja

    No confín de… María Roja

    OpenLetterToEU

    Un eurodeputado do Partido Verde solicita da Comisión a defensa do sector cultural