Teatro Pós-Pandémico en Viana do Castelo

A compañía vianense Teatro do Noroeste-Centro Dramático de Viana inicia un ciclo de palestras sobre como será o teatro despois da crise sanitaria que padecemos. | Foto: Carlos Gomes |

 

Para Um Teatro Pós-Pandémico é o mote da iniciativa Ensaio de Mesa que o Teatro do Noroeste – Centro Dramático de Viana presenta en estrea, este xoves, ás 18:30, online, coa participación da actriz e directora Isabel Craveiro.

A que é tamén directora artística da compañía O Teatrão, de Coimbra, fará unha palestra acerca das bases sobres as cales se asentará o teatro durante e despois da crise sanitaria en curso, através da plataforma Zoom, con transmisión en directo na páxina de Facebook da compañía vianense.

Para Ricardo Simões, director artístico do Teatro do Noroeste – CDV, compañía Residente do Teatro Municipal Sá de Miranda, é importante que “neste momento das artes performativas, os criadores artísticos, ao mesmo tempo que atendem à emergência, consigam refletir sobre as transformações que irão ocorrer na criação cénica, já a curto prazo”.

Ademais desta nova rubrica, o ciclo O Teatro do Noroeste Em Sua Casa integra tamén o Olhar Oficinal, que marca o reinicio das actividades das Oficinas Regulares de Teatro do Projeto Comunidade da compañía vianense, através da visualización de traballos realizados polo ATIVAsénior, ATIVAjúnior e Enquanto Navegávamos, que serán transmitidos todos os martes do mes de maio, ás 18:30.

O Sofá de Cena continua con nova programación e novos horarios: os sábados, ás 16:00, transmítense vídeos de espectáculos para público xeral e, os domingos, á 10:00, vídeos de espectáculos para públicos infanto-xuvenís e familiares. O programa completo pode consultarse na páxina de Facebook da compañía.

Ensaio de Mesa é unha série de palestras dedicadas ao tema Para um Teatro Pós-Pandémico, con directores/as artísticos/as de compañías nacionais convidados/as. Todas as quintas-feiras, das 18:30 ás 19:00.

O Teatro do Noroeste – Centro Dramático de Viana avanza así un mes máis de programación dixital coas estreas de Ensaio de Mesa, Olhar Oficinal, e con novos horarios para o Sofá de Cena, manténdose até o día 31 de maio, no Facebook e Youtube.

Deixar unha resposta