O Teatro do Noroeste – Centro Dramático de Viana continúa coa serie de conferencias que iniciou neste mes de maio sobre o tema “Teatro pospandémico” e que se inclúen dentro do espazo Ensaio de Mesa. O actor e director artístico da Companhia de Teatro do Algarve, Luis Vicente, será o convidado que este xoves 14 de maio ás 19.30 horas (portuguesas) compartirá as súas reflexións sobre o teatro.

A compañía vianense estreou este espazo dentro da nova programación do Teatro do Noroeste em Sua Casa coa presenza de Isabel Craveiro, directora artística da compañía O Teatrão, de Coimbra. Para este segundo episodio, Ensaio de Mesa achega as reflexións do director luso Luis Vicente ao redor do teatro despois da crise provocada pola Covid-19.

A conversa será realizada na plataforma Zoom, con transmisión para o Facebook da compañía de Viana do Castelo este xoves 14 de maio ás 19:30 (20:30 horas galegas) e con duración de 30 minutos.

O director artístico do Teatro do Noroeste – Centro Dramático de Viana, Ricardo Simões, é o moderador da conferencia, que inclúe tamén un espazo para resposta e comentario por parte do convidado ás cuestións dos espectadores.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos