“Actor, escritor e guionista. Ou viceversa”. Manolo Cortés é un dos integrantes do Grupo Chévere. Intérprete en espectáculos coma Citizen, Eurozone ou Divinas Palabras Revolution, Cortés é responsábel, tamén, dos textos de Ultranoite no país dos ananos e Salvador, de Borja Fernández, un dos proxectos nados nas residencias artísticas da Berberecheira.
O libro que tes sobre a mesa de noite.
Unha biografía da Pardo Bazán. Despois de ler unha de Concepción Arenal, case caía de caixón.
A túa banda sonora destes días.
Estes días hackeáronme a conta de Spotify, así que por curiosidade estou escoitando as preferencias musicais de alguén de Malaisia. Todo House, Acid, Dance…
O último filme que te impresionou.
Lady Bird de Greta Gerwig, con Saoirse Ronan.
A obra de arte na que te perderías agora.
Entre a xente dalgunha rúa dalgunha foto de Vivian Maier.
A peza á que che gustaría dar forma.
Gustaríame darlle forma dunha vez a un poemario que hai tempo que me anda na cabeza. Teño o material, teño a idea, pero tamén teño moita preguiza.
Unha figura histórica coa que compartir unha caña.
Manoel Antonio. Probablemente aguantaría máis dunha.
Se non foses actor, escritor, guionista ou viceversa, serías…
Astrofísico. No caso de que me desde a cabeciña…
