Crítica

Volumen 2

Vertixe sonora

ǀ Iván Fernández ǀ
ǀ Foto: Teatro Ensalle ǀ

 

A dialéctica corporal do silencio. O corpo que baila coa súa propia linguaxe, sen necesidade de música ou con ela. O son, o son do silencio, a ausencia de son. A capacidade de producir sons dende o corpo. A capacidade de escoitar os sons do corpo, e tamén dos seus silencios. A capacidade de producir silencio.

Mais, é posible, a existencia do silencio? É posible a ausencia total de son? Cando cremos que si, que o é, aparece devagar un rumor, un bater suave que nos lembra que aí está, sempre, batendo o noso corazón. E con ese bater tamén podemos bailar.

E porén, pódese falar dende o silencio? Dende logo, asistimos a unha proposta de comunicación directa cx espectador/x, que emociona dende o oco, o baleiro de ruído ao que estamos acostumadxs na nosa vida cotiá e que, polo tanto, ofrécenos a posibilidade de asomarnos a ese abismo de ausencia.

Asistimos a un espectáculo íntimo, ofrecido pola Cía. Sandra Gómez, quen vén de explorar o espazo que para bailar lle dá a intimidade en variados proxectos centrados no corpo e no movemento (por exemplo, na súa proposta Solo los solos, que nace da revisión de famosos solos de danza). Nesta presentación de Volumen 2, a artista valenciana déixanos entrar no seu espazo íntimo a través do bater do seu corazón e da amplificación artificial do mesmo, da creación de espazos de son e de silencio, da palabra e, especialmente, da mirada que inclúe ao público na proposta.

A soidade e o silencio son aspectos que aparecen repetidos nas diferentes exploracións da compañía, e que en Volumen 2 centran a observación, utilizando tamén as tecnoloxías audiovisuais que facilitan a diversificación da linguaxe: a distorsión, o illamento, a mecanización e a humanización do son, a exploración do volume e da textura.

Con Volumen 2 a sala Ensalle de Vigo pecha a décimo quinta edición do seu Festival Catropezas, neste ano singular que vén sendo para as salas de teatro do noso país.

 

Volumen 2, Sandra Gómez

Concepto: Sandra Gómez
Intérpretes: Sandra Gómez e Javi Vela
Espazo sonoro: Javi Vela

XV Festival ‘Catropezas’. Teatro Ensalle, Vigo. 27 de novembro de 2020.

Ficha artística

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos