Pura Os Náufragos Teatro
Imaxe: Os Náufragos Teatro

PUBLICIDADE

A compañía coruñesa Os Náufragos Teatro reabre a programación do Teatro Rosalía de Castro da cidade herculina coa estrea de Pura este sábado 20 de febreiro ás 20.00 h.


Teatro Rosalía de Castro retoma a súa programación escénica coa estrea de Pura da compañía Os Náufragos Teatro. A peza, dirixida por Gustavo del Río e coescrita xunto a Ismael G. Candal, conta con Denis Gómez, Rebeca Vecino, Nicolás Gaude e Sete Eiroa na interpretación. Un equipo estable co que a compañía coruñesa, que este 2021 celebra o seu vinte aniversario, vén traballando desde hai tempo e no que Fernando Cayazzo encárgase das labores de produción.

Pura está baseada na biografía da avoa do director, Gustavo del Río, e “fala dos nosos maiores, da memoria, da reminiscencia, dos lugares que un día foron parte da nosa vida”. A figura desta coruñesa é o fío condutor do espectáculo. Pura é unha muller que cumpre 94 anos e o seu desexo é ir ao Cine París da Coruña a ver un filme. Un cine que agora é unha tenda de roupa.

Os Náufragos Teatro propoñen en Pura unha viaxe a través do tempo. Desde o Leirón do Casino ao cine Rosalía de Castro, do Teatro Linares Rivas ata o Hotel Palace; aqueles lugares da cidade da Coruña onde a protagonista desta peza foi feliz.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos