DraMITurga
Creación de DramaturGA

PUBLICIDADE

A Mostra Internacional de Teatro de Ribadavia acollerá, ao mediodía deste domingo 25 de xullo, o evento final de DraMITurga, unha proposta organizada por DramaturGA e o propio festival, a cal conta co apoio do Centro Dramático Galego.

A 37ª edición da Mostra Internacional de Teatro de Ribadavia (MIT) remata este domingo e faino, ademais dos espectáculos das 21.00 e 23.00 horas, cunha actividade que pon en valor a escrita dramática: DraMITurga, proxecto no que seis dramaturgos/as (3 de Portugal e 3 de Galicia), escribiron cadansúa peza breve orixinal para esta ocasión. A partir desas 6 pezas, desenvolveuse un xogo no cal cada unha das 6 dramaturgas fai unha reescrita de cada unha das pezas das súas compañeiras. Isto estivo a xerar unha multiplicación de versións e reescritas que terá como resultado 36 pezas breves. DraMITurga anima, deste xeito, non só a creación contemporánea, senón tamén as conexións entre poéticas, estéticas e voces diferentes, dentro do eixe atlántico galego-portugués.

A última reescrita farase, in situ, na MIT Ribadavia e abrirase ao público nun evento especial, este domingo 25 de xullo, ás 12.00 horas, na Igrexa da Madalena. Farase unha presentación das últimas reescritas por parte do alumnado da Escola Municipal de Teatro de Ribadavia e Teatro do Vilar, sen ofrecer a identidade de quen as realizou. Cada persoa do público emitirá un voto secreto respecto á peza que máis lle guste e interese. Da peza elixida procederase a presentar todas as súas versións ata chegar á peza orixinal.

Os dramaturgos galegos que participan nesta primeira edición de DraMITurga son Roi Vidal Ponte, Carlos Labraña e Zé Paredes. Mentres que as dramaturgas/os portuguesas son Mariana Ferreira, Ricardo CabaçaIvo Saraiva e Silva.

DraMITurga é unha iniciativa do dramaturgo portugués Ricardo Cabaça, organizada por DramaturGA (Asociación Galega de Dramaturxia) e a MIT de Ribadavia co apoio do Centro Dramático Galego (CDG).

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos