in ,

Primeiras imaxes de ‘Ás oito da tarde, cando morren as nais’ a nova produción do CDG

Ás oito da tarde CDG
Foto: Miramemira

 Ás oito da tarde, cando morren as nais, a nova produción do CDG está a ultimar os detalles para a súa estrea o 14 de abril no Salón Teatro de Santiago. Marta Pazos firma esta montaxe baseada no texto de , gañador do Premio Álvaro Cunqueiro para Textos Teatrais de 2018.

Nas primeiras imaxes facilitadas polo Centro Dramático Galego podemos ver a impactante parte plástica de cores contrastadas e ton subrealista, un traballo escenográfico de   e vestiario de Pier Paolo Álvaro.

Ás oito da tarde, cando morren as nais preséntase como “un canto coral sustentado no baleiro, un xogo irónico sobre a relación entre o teatro e a súa recepción”. Nel, “a procura da identidade individual, amparada na masa superficial e ignorante, que presume de coñecementos inútiles, amósase indecente. Nun teatro, lugar (supostamente) de encontro, asistimos ao espectáculo da estupidez. E debaixo de todo o insultante: nós. Tan pequeniños, tan perigosos…”.

PUBLICIDADE

A peza estará en cartel no Salón Teatro ata o día 1 de maio, con funcións os xoves, venres e sábados ás 20.00 horas, e os domingos ás 18.00 horas. Ademais, os mércores 20 e 27 de abril haberá funcións descontraídas ás 18.00 horas.  A partir da segunda semana da peza en cartel, en todas as representacións estará en probas o novo sistema de linguaxe de signos, audiodescrición e sobretitulado que introduciu esta tempada o CDG. Ademais, o teatro porá ao dispor do público o programa de lectura fácil, en colaboración coa asociación FADEMGA Plena Inclusión.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    'Onde pousa a humidade' de Marcia Vázquez

    O Colectivo RPM desvela os proxectos seleccionados para as Residencias Paraíso 2022

    Alma de tigre © Vanessa Rabade 1

    Elefante Elegante estrea ‘Alma de tigre’