in

O CDG estreará ‘Divinas Palabras’ en abril

Divinaspalabrasensaios
Xesús Ron dirixe un elenco integrado por Patricia de Lorenzo, Manuel Cortés, Antón Coucheiro, Borja Fernández, Mónica García, Tone Martínez, Victoria Pérez, Ánxela Ríos e Tomé Viéitez.

 

O equipo artístico e técnico de Divinas palabras, a nova produción que o Centro Dramático Galego (CDG) estreará o 12 de abril no Salón Teatro de Santiago, acaba de iniciar neste escenario os ensaios da que será a primeira versión en lingua galega da coñecida obra de Valle-Inclán.

Xunto con , director do espectáculo, incorporáronse ás primeiras sesións de traballo os nove integrantes do elenco: Patricia de Lorenzo e , nos papeis protagonistas de Mari Gaila e Pedro Gailo, e (como Sétimo Miau), Borja Fernández (Miguelín), Mónica García (Marica del Reino), Tone Martínez (Pedáneo), Victoria Pérez (Tatula), Ánxela Ríos (Simoniña) e Tomé Viéitez (Laureano). Estes sete últimos intérpretes foron elixidos tras superar un proceso público de selección para o que o CDG recibiu 169 solicitudes.

PUBLICIDADE

Ao tempo, o persoal técnico da compañía institucional traballa xa co resto do equipo artístico de Divinas palabras para comezar a darlle forma a esta “traxicomedia de aldea”, como a subtitulou o propio autor, da que o Centro Dramático Galego ofrecerá unha adaptación desinhibida e actual. Suso Montero está a deseñar a escenografía, Mar Fraga o vestiario, Fidel Vázquez a iluminación e Fanny Bello a caracterización, mentres que Cuco Pino realiza os vídeos, Arantza Villar ocupa a asistencia de dirección e José Díaz, a de produción.

Os ensaios, que están a comezar coas primeiras lecturas conxuntas do texto traducido e adaptado por Manuel Cortés, estenderanse durante dous meses. O 12 de abril terá lugar a estrea do espectáculo no Salón Teatro, sede do CDG, onde poderá verse ata o 29 de abril. Divinas palabras iniciará a continuación unha xira ata xullo.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    ROSA ALVAREZ04

    Rosa Álvarez recibe o Premio de Honra Marisa Soto

    MartaPazos

    Marta Pazos dirixirá a gala dos Premios Mestre Mateo