in

Comunicado de Escena Galega en apoio a Iria Pinheiro

ipinheiro2

fixo público o comunicado que reproducimos a continuación, a raíz dos feitos denunciados por o pasado venres. Máis información sobre este tema aquí.

 

A Asociación Galega de Empresas de Artes Escénicas (Escena Galega) quere amosar a través do presente comunicado o seu total apoio á actriz Iria Pinheiro, que ven de presentar unha denuncia penal por acoso no Xulgado de Garda número 3 de Santiago de Compostela contra o director do programa Con amor e compañía emitido pola Televisión de Galicia, José Luis Viñas Horta, tal e como relata o medio Sermos Galiza.

PUBLICIDADE

Iria Pinheiro sufriu, tal como relata a devandita denuncia, unha situación de violencia que consideramos absolutamente intolerable e que condeamos da forma máis enérxica, no convencemento de que só a través da loita de todos e todas poderemos establecer as bases para que comportamentos como estes non teñan que sufrilos máis compañeiras na nosa profesión, e en ningún outro eido das súas vidas.

Escena Galega quere posicionarse, agora e sempre, en contra das violencias machistas en todas as súas formas, que denigran de forma perversa e noxenta ás mulleres e que atentan contra os dereitos máis elementais polos que, tamén dende a nosa Asociación, loitamos e que deben conformar unha sociedade xusta, democrática, tolerante e diversa, onde o machismo e as violencias derivadas del e da estrutura patriarcal non teñan cabida.

Solidarizámonos con Iria Pinheiro hoxe, e sempre con todas as mulleres que sufriron e sufren as violencias machistas, tamén dentro do ámbito da nosa profesión.

PUBLICIDADE

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    coliopeqcertezas

    Bárbara Colio impartirá un obradoiro de escrita en Braga

    cartel noite medo web

    O Festival Atlántica quenta motores cunha ‘Noite de medo’