José Luís Baños de Cos impúxose no I Premio de Teatro Breve Jenaro Marinhas del Valle convocado pola Agrupación Cultural Alexandre Bóveda da Coruña, coa obra Fashion Victims. O xurado, composto por Xosé Manuel Rabón, director de escena, Sabela Hermida, actriz e investigadora e Lino Braxe, dramaturgo e director de escena que actuou como secretario.
O xurado concedeu, ademais, dous accesits: o primeiro foi para a peza Albatros en terra da autoría de Albert G. Aneiros; o segundo foi para No ventre da balea, de Fernando Castro Paredes.
As tres pezas traballos galardoadas publicaranse no primeiro Caderno de Teatro Jenaro Marinhas del Valle mentres que o texto gañador será posto en escena, en formato de lectura dramatizada, por ACAB Teatro, grupo teatral da Agrupación.
A única publicación periódica que ten como obxecto as artes escénicas galegas dende 1983.
- Vilagarcía de Arousa acolle o Festaclown - 21/08/2026
- Galeatro estrea ‘Os muíños no camiño’ - 20/08/2026
- Titiriberia celebra a súa undécima edición - 13/08/2026
