Actualidade

Matarile comeza o ano en Vigo

PUBLICIDADE

Matarile Teatro estará esta fin de semana na sala Ártika de Vigo con Los limones, la nieve y todo lo demás e, a semana seguinte, na sala Ingrávida do Porriño con Teatro Invisible.

 

A histórica compañía Matarile Teatro comeza o año representando o seu último espectáculo na viguesa Sala Ártika. Los limones, la nieve y todo lo demás é un dúo codirixido e coprotagonizado por Mónica García e Ana Vallés, con iluminación e escenografía de Baltasar Patiño. Esta peza está colleitando un grande éxito dende a súa estrea en Oviedo o pasado mes de xulio e terá un longo percorrido en 2019, sobre todo dentro de Danza a Escena, o circuíto impulsado por INAEM-Ministerio de Cultura.

As representacións serán o sábado 26 ás 21:30 e o domingo 27 ás 20:00. As entradas están dispoñibles na billeteira da Sala Ártika ou a través da plataforma Ticketea.

Ademais, o público terá a pouco habitual oportunidade de volver a ver a Matarile a próxima semana, en que se representará Teatro Invisible na Sala Ingrávida de Porriño os días 1 e 2 de febreiro. Esta peza está protagonizada unicamente por Ana Vallés e está considerada un clásico da compañía.

Matarile Teatro é unha das compañías de referencia no teatro contemporáneo dende hai máis de 30 anos. Dende a súa creación en Santiago de Compostela en 1986 foi desenvolvendo unha linguaxe artística e un estilo propios, poñendo en escena máos de 30 espectáculos cos que acadou máis de vinte premios e mencións en distintos puntos de Europa.

Pola súa banda, Mónica García é unha actriz, bailarina e coreógrafa asturiana, Premio do Xurado no Certamen Coreográfico de Madrid, que goza dunha longa e prestixiosa traxectoria, tanto en solitario como con outras compañías.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!