Actualidade

PUBLICIDADE

O Teatro Principal de Ourense anunciou onte a súa programación cuadrimestral, que inclúe, ata finais de decembro, variadas propostas de teatro e danza.

A obra Romancero gitano, protagonizada por Núria Espert e dirixida por Lluis Pasqual, inaugurará o próximo 19 de setembro, ás 21:00, a programación.

Tamén en setembro subirán ao escenario os actores da aula de Teatro Universitario de Ourense `Maricastaña` coa obra Implosións, drogas, pasma e outras cousas das que preocuparse (dia 25).

En outubro será a quenda de La golondrina, unha obra de Guillem Clua e dirixida por Josep María Mestres; unha montaxe inspirada directamente no ataque terrorista do bar Pulse de Orlando (EE.UU.) en xuño de 2016 e que se pregunta que é o que nos fai humanos; e Chicas y chicos, versión en castelán da última obra de Dennis Kelly, unha produción de El Sol de York.

En novembro representaranse La Culpa, de David Mamet, protagonizada por Carmen Maura (día 3); Jon Braun, unha obra de monicreques de Anita Maravillas Teatro (día 16); a versión teatral da película de Federico Fellini La Strada (24 de novembro), baixo a dirección escénica de Mario Gas; e Comedia Aquilana, unha comedia renacentista musical dirixida por Ana Zamora (día 30).

Decembro pechará coa comedia Todas hieren y una mata de Ay Teatro (5 de decembro), Casa O’Rei de Ibuprofeno Teatro (14 de decembro) e a adaptación de Luces de Bohemia polo Teatro Clásico de Sevilla (21 de decembro).

A oferta cultural tamén conta co espectáculo de danza  Growing young,  no que catro recoñecidos coreógrafos afincados en Holanda, Escocia e Italia asinan catro pezas, unha secuencia de instantáneas que retrata as relacións humanas: Une de Janis Claxton DanceBase (Escocia); Lead, de Daniele Ninarello Piemonte dal Vivo (Italia); Prelude to a wasted tear, de Itzik Galili; e Youth, de Wubkje Kuindersma.

Xunto con estes espectáculos e xa nas vacacións de Nadal, terán lugar outras citas dirixidas especialmente ao público familiar dentro da Mostra de Teatro Infantil de Ourense (MOTI): OhLimpiadas de Cía. Sincronacidas (26 de decembro), O rexurdir da luz de A Gramola Gominola (27 de decembro), Zapatos de Caramuxo Teatro (28 de decembro) e A nena e o grilo máis aló de Magín Blanco (30 de decembro).

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos