in

Manuel Quintáns presenta en Brión un novo libro sobre Roberto Vidal Bolaño

RobertoVidalBolaño
| Foto: Quique Alvarellos |

 

O vindeiro mércores 23 de outubro, ás 20:00, na Sala Municipal de Exposicións do Concello de Brión, presentarase o libro . Unha poética teatral xenuinamente galega, escrito polo profesor Manuel Quintáns e publicado polo Centro Ramón Piñeiro.

No acto participarán, ademais do propio autor, Valentín García Gómez, secretario xeral de Política Lingüística; Armando Requeixo, secretario do Centro Ramón Piñeiro e José Luís García, alcalde do Concello de Brión. Como colofón, procederase coa presentación do II para textos teatrais que, un ano máis, promoverá a creación de textos dramáticos na nosa lingua.

PUBLICIDADE

 

De moitos/as é coñecida a especial vinculación de Roberto Vidal Bolaño con Brión, lugar onde residiu os derradeiros anos da súa vida e clara inspiración creativa para algunha das súas obras, como a celebrada Animaliños.

Brión rendeu tributo a este ilustre veciño a través de diferentes homenaxes. Un dos primeiros celebrouse en xuño de 2013 no transcurso do VIII Encontro coa Arte, dedicado a esta destacada figura da dramaturxia galega. Un busto de bronce, obra do artista plástico Xosé Vizoso, converteuse nun dos referentes arquitectónicos da Carballeira de Santa Minia.

PUBLICIDADE

Coa intención de estimular e apoiar a creación dramática en lingua galega e contribuír ao recoñecemento de Vidal Bolaño por todo o que representou e segue a representar na nosa cultura, o Concello de Brión, co apoio da Academia Galega de Teatro e de Edicións Positivas, convocou a finais de 2018, o Iº Premio “Laudamuco” para Textos Teatrais. Un certame literario que vai ter continuidade cunha segunda edición.

Esta estreita vinculación é o motivo de que Brión sexa o lugar elixido para a presentación duns dos últimos estudos dedicados á vida e obra do dramaturgo compostelán. Trátase do libro Roberto Vidal Bolaño: unha poética teatral xenuinamente galega escrito polo profesor Manuel Quintáns e publicado pola Centro Ramón Piñeiro.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    29CB1ABD AADD 43E7 A315 6388577F0609

    Producións Dispersas estrea ‘Todas as marabillas do mundo’

    ConservandoMemoria

    El Patio Teatro: “Nós non facemos teatro para a xente de teatro, facémolo para as persoas”